لکه څنګه چې سرچینې راپور ورکړی، د سفارت د بیا پرانستلو په پلان کې د لوړ پوړو ډیپلوماټانو لیږل شامل ندي؛ پرځای یې، سفارت به په ابتدايي توګه د کارمندانو سره د اړیکو موخو لپاره کار وکړي،
کوم چې د قونسلګرۍ خدمتونه شامل دي. هندوستان ټایمز، چې د هند یوه تر ټولو پراخه خپریدونکې ورځپاڼې ده، د جون په اتمه راپور ورکړ چې د بهرنیو چارو وزارت د چارواکو په حواله دا پریکړه له طا ل /با نو سره د ښکیلتیا یا په رسمیت پیژندلو معنا نه لري.
د هند له راپورونو سره سم، د طالبانو د بهرنیو چارو له وزیر امیرخان متقي سره د پلاوي د لیدنې پر مهال په کابل کې د هند د کونسلګرۍ د فعالیتونو پر بیا پیلولو خبرې وشوې.
کریسچن فېر درې ورځې وړاندې ویلي و چې طالبانو له داعش، لشکر طیبه او جیش محمد سره خپلې اوږدې اړیکې نه دي پرې کړي، چې د هند امنیت یې له خطر سره مخ کړی او طا ل /بان په افغانستان کې د هنديانو د ساتنې توان نه لري.
خو هندوستان ټایمز راپور ورکړی چې د هند د امنیتي چارواکو یوه ډله د فبرورۍ په میاشت کې کابل ته راغلې وه چې امنیت له نږدې وڅاري.
هند په پام کې لري چې له خپلو جګپوړو ډیپلوماټانو پرته په کابل کې خپل ماموریت بیا پرانیزي
