خبرونه سیاست نړۍ

شاهین؛ په ملګرو ملتونو کې یوه څوکۍ، زموږ قانوني حق دی باید رکړل شي.

Written by Zwak News

شاهین؛ په ملګرو ملتونو کې یوه څوکۍ خو، زموږ قانوني حق دی باید رکړل شي.

وروسته له هغې چې د ملګرو ملتونو کلنۍ اسامبلې ته د افغانستان اوسني حکومت ا.ا.ا په نماینده ګی هيڅوک نه وو دعوت شوي، د افغانستان اوسني حکومت ځینو لوړ پوړو چارواکو د ملګرو ملتونو داغه پرېکړې ته سخت غبرګون وښود او دا يي د افغانستان له ملت او ولس سره جفاء وبلله او د ملګرو ملتونو له غړو هیوادونو څخه د ا.ا.ا ځینو لوړ پوړو سر مشرانو غوښتنه وکړه چې ژر دې ا.ا.ا اوسنۍ حکومت په رسمیت وپيژني.

په ورته مهال، د ا.ا.ا د سیاسي دفتر ویاند سهیل شاهین په خپلو تازه څرګندونو کې د ملګرو ملتونو د هغه عمل په ځواب کې غبرګون وښود چې د ملګرو ملتونو کلنۍ غونډې ته د ا.ا.ا هیڅ غړی نه وو دعوت شوی، نوموړي چې په یوه تازه خبري مرکه کې خبریالانو ته خبرې کولې ویلي په ملګرو ملتونو کې د یوې څوکۍ قانوني حق ددوی سره دی او باید په ملګرو ملتونو کې یوه څوکۍ دوی ته ورکړل شي.

شاهین زیاته کړي ده، د افغانستان ټول ولس او ملت او ځینې نړیوال هیوادونه په اوس وخت کې د ا.ا.ا د حکومت تر شاه ولاړ دي او په اوس وخت کې ا.ا.ا هیڅ د پخوا په شان مخالف هیواد نه لري، ملګري ملتونه باید داغه برخې ته جدي توجو وکړي.

د یادولو وړ ده ، چې شاهین همدا شان د ا.ا.ا د بهرانیو چارو وزیر امیر خان متقی د هغه لیک یادونه کړي چې ملګرو ملتونو ته یي استولی وو، او پکې د ملګرو ملتونو څخه غوښتل شوي وو چې دوی باید د پخوانیو استازو پر ځای نوي استازي ومني او دوی ته د په نړیوالو سټیجونو د حبرو او وینا اجازه ورکړي.

Leave a Comment