خبرونه ځانګړې مطالب

اردوغان؛ که ا.ا.ا ټولشموله حکومت جوړ کړي،ورسره لا زیاته همکاري کوو

Written by Zwak News

اردوغان؛ که ا.ا.ا ټولشموله حکومت جوړ کړي، ورسره لا زیاته همکاري کوو

وروسته له هغې چې د ا.ا.ا لخوا سرپرسته کابینه اعلان شوه، د کابینې تر اعلان وروسته په داخل د افغانستان او د افغانستان ځینو ګاونډیو او ملګرو هیوادونو د ا.ا.ا داغه کابینې اعلان ته سخت غبرګونونه وښودل، د روسیې د بهرانیو چارو وزیر د ا.ا.ا د کابینې تر اعلان وروسته وویل، چې ګني د ا.ا.ا مشران پر خپلو کړوو ژمنو نه دي پاتې شوي او باید يو ټولشموله کابینه او حکومت اعلان شوی وی.

خو وروسته په ټولنیزو رسنیو کې د ا.ا.ا لخوا د اعلان شوې ټولې کابینې نوملړ زور واخیست او د خلکو په بار بار یادونه چې ګني په کابینه کې ټول مولا پلوو ته ځای ورکړل شوی دی، او پکې هيڅ د ټولشموله حکومت څرک نه لیدل کیږي،یاده د وي چې د کابینې تر اعلان څو ساعته وروسته د زیاتو انتقادونو له وجې د ا.ا.ا ځینو لوړ پوړو چارواکو خبرداری ورکړ، چې ګني کابینه سرپرسته او لنډ مهالي ده او پکې د لوی بدلون امکانات زیات دي.

خو په ورته مهال د ترکیې ولسمشر رجب طیب اردوغان په خپلو تازه څرګندونو کې ا.ا.ا ته ویلي، ستاسو په اوسنۍ کابینه او نظام کې هيڅ د ټولشموله حکومت لوری نه لیدل کیږي او تاسو پر خپلو ژمنو عمل نه دی کړی ، هغه زیاته کړي چې که ا.ا.ا يو ګډ حکومت جوړ کړي نو په وینا يي چې به دوی له ا.ا.ا سره خپلې مرستې درې چنده، او څو چنده زیاتې کړو .

اردوغان ټینګار کړی دی، چې له ا.ا.ا سره به په اوس وخت کې په دې نورې مرستې ونکړو تر څو چې يي يو ټولشموله حکومت جوړ کړی نه وي ، د یادولو وړ ده، چې ا.ا.ا تراوسه په دې اړه ددوی په غبرګون څه نه دي ويلي، خو ورځ وړاندې د ا.ا.ا د اطلاعاتو او فرهنګ وزارت مسوول او ویاند، د ټولو غړو او ملګرو هیوادونو مننه وکړه، چې دوي د ا.ا.ا سره په سخته کې ولاړ دي، او زیاته يي کړه چې دوی به له ټولو هیوادونو سره متقابلې اړیکې ساتي

Leave a Comment