خبرونه

د کورونو سوځېدو دوام؛ «پیریانو» دا ځل میدان وردګ ته مخه کړې او ګڼ کورونه يي

20220918 214117
Written by Zwak News

د میدان وردګ چارواکي وايي چې د دغه ولایت په چک ولسوالي کې د یوشمېر خلکو کورونو خپله اور اخیستی او سوځېدلي دي.

د میدان وردګ ولایت د طبیعي پېښو پر وړاندې د مبارزې رییس مو:لوي فیض‌الله جلالي سلام‌وطندار ته ویلي چې له تېرې شپې راهیسې د چک ولسوالي د عربانو درې په «کوډۍ» کلي کې یوشمېر کورونو اور اخیستی او سوځېدلي دي.

هغه وايي، سره له دې چې پر کورونو پیرې کوي، خو بیا هم په خپل سر اور اخلي او سوځي چې په وینا یې، تراوسه څلور کورونه سوځېدلي دي.
جلالي زیاتوي چې د سیمې خلکو د معلوماتو پر بنسټ، پیریان د خلکو کورونو ته اور اچوي او سوځوي یې. د نوموړي په وینا، موضوع یې د حکومت له مرکزي ادارې سره شریکه کړې او ډېر ژر به سیمې ته یو پلاوی هم ولېږي.

د میدان وردګ ولایت د چک ولسوالي اوسېدونکي هم دا پېښه تاییدوي او وايي چې دوی یې سخت وېرولي دي.
د یادونې ده چې تر دې مخکې په جوزجان او بدخشان کې د ګڼ‌شمېر خلکو کورونه سوځېدلي وو. که څه هم تراوسه د یادو پېښو لاملونه نه دي په‌ ډاګه شوي، خو د دغو ولایتونو چارواکو هاغه وخت سلام‌وطندار ته ویلي و چې دا کار پیریان کوي.

Leave a Comment