سپورټ

دانګلنډ مخکینی کپتان ایین مورګن وایي خبره په بټلر او راشد کې ده که هر یو

BackgroundEraser 20221022 112723471
Avatar photo
Written by Zwak News

دانګلنډ مخکینی کپتان ایین مورګن وایي خبره په بټلر او راشد کې ده که هر یو پر بل لاسبری شو سیاله لوبډله ځورولی شي.

د کرېکټ نړیوال جام د سوپر ۱۲ پړاو په دویمه لوبه کې نن افغانستان او انګلنډ سره مخ دي. دا لوبه د اسټرالیا په پرت ښار کې کېږي. د نن ورځې لومړۍ لوبه د کوربه اسټرالیا او نیوزینلډ تر منځ په سېډني ښار کې ده.

د انګلنډ لوبډلمشر جاش بټلر افغانستان سره د لوبې چمتووالي پر مهال وویل چې که څه هم لوبډله یې نننۍ لوبې او نړیوال جام ته چمتو ده، خو د افغانستان ورو توپ اچوونکو ته په اشارې یې زیاته کړه چې لوبه به ورته اسانه نه وي.

ده وویل: ”افغان لوبډله داسې لوبغاړي لري چې کولی شي د لوبې پر پایله ډېر اغېز ولري، موږ د افغانستان د ورو اچوونکو له ځواکه خبر یو او ورته مو چمتووالی نیولی. په ځانګړي ډول راشد خان او مجیب د نړۍ هر ډول توپ وهونکو ته سرخوږی جوړولی شي. ”

د انګلنډ لوبډلې پرون ‘جمعه ‘ پرت لوبغالي کې نننۍ لوبې ته د چمتووالي لپاره نژدې درې ساعته تمرین وکړ.

Leave a Comment