ایران وایي امریکا افغانستان کې د ثبات د راتګ په مخنیوي بوخته ده. د افغانستان لپاره د ایران ځانګړي استازي حسن کاظمي قمي په خپله یوه تازه مرکه کې ویلي چې افغانستان کې د ځينو ډلو له فعالیت اندېښنه لري، خو په دې هر څه کې د امریکا لاس ښکاري.
د قمي په خبره امریکا پوره هڅه کوي چې په افغانستان کې د دایمي ثبات د راتګ مخه ونیسي او نه غواړي چې سیمه له امنیت او ډاډ برخمنه شي. ایران تر دې وړاندې هم په ځلونو ویلي چې امریکا هڅه کوي په افغانستان کې وضعیت ترینګلی کړي او سیمې ته بې ثباتي راولي. دغه ایرانی ديپلومات دمګړی په اسلام اباد کې دی او له پاکستاني چارواکو سره یې هم د افغانستان پر وضعیت خبرې کړې دي
